كيف ترسم صورة شخصية ؟ [ للمبتدئين ]

[زُوْوْد ~]

كيف ترسم صورة شخصية ؟ [ للمبتدئين ]

درس رسم دروس رسم كيف ترسم كيف ترسم صورتك كيف ترسم صورة أمامك كيف ترسم وجه كيف ترسم عين كيف ترسم أنف كيف ترسم بورتريه الرسم بأقلام التظليل الرسم بقلم الرصاص التظليل أقلام فايبر كاستل ][ آلْسَلَاْمُ عَلَيْكُمُ وَرَحْمَةُ آللهِ وَبَرَكَاتُهُ ][ يسعد لي صباحكم - مساءكم بكل خير : درسنا اليوم كيف ترسم صورة شخصية معينة ؟ أو صورتك الشخصية ؟ هذا الدرس تم بـ طلب من الأخ عاشق راشد ، وإن شاء الله يفيده ويفيدكم والجميع .. الدرس طويل جداً جداً ، كـ بداية ممكن يكون فيه صعوبة شوي لكن بالتدريب راح تضبط إن شاء الله ، أول شي قبل تبدأون جهزوا كاس شاي يعدل الراس والمزاج

المصدر: منتديات طيف الاحساء - من قسم: المواهب الفنية والأعمال اليدوية

---

;dt jvsl w,vm aowdm ? F gglfj]zdk D

[زُوْوْد ~]

الأدوات اللي راح نحتاجها : 1- ورق كانسون . 2- علبة أقلام تظليل فيبر كاستل . 3- مساحة + براية + قلم رصاص اللي ينتهي بمساحة ، 4- مسطرة . 5- ورق بلاستيك شفاف ، أي بلاستك حتى لو تاخذون غلاف الدفاتر وتقصونه 6 - مقص - تيب 7- قلم جاف أي لون 8- وطبعاً الصورة اللي حابين ترسمونها ،

[زُوْوْد ~]

أول شي نشرح عن أقلام فيبر كاستل الأقلام هذي طبعاً متوفرة في أغلب المكتبات ، بسعر حلو ومناسب لكن أثناء ما تشترونها لازم تتأكدون أنها صناعة ألمانية made in Germany لأن جربت صناعات ثانية اندونيسية وصينية ومدري وش كلها سيئة جداً سيئة .. طيب أقلام التظليل بشكل عام تنقسم إلى درجات متفاوتة ، وكل درجة لها مسمّى يكون مكتوب أسفل القلم : العلبة اللي عندي وهي الأكثر انتشاراً واستخداماً الدرجات فيها مقسمة كذا : 2H H F HP B 2B 3B 4B 5B 6B 7B 8B تخف درجة اللون في التظليل كل ما اتجهنا من أعلى إلى أسفل يعني أخف الدرجات هي 2H وأغمقها 8B قلم الرصاص اللي عادةً نستخدمه في الكتابة ومنتشر بين الكل درجته HB وهي الدرجة المتوسطه والقياسية بين أقلام التظليل ، فيُقاس باقي الأقلام على أساسها ، اللي أفتح منها ينقال عنه فاتح واللي أغمق منها ينقال عنه غامق . طبعاً أختنا الجوري الأبيض يعطيها العافية قدّمت درس خفيف وبسيط هنــــــا

[زُوْوْد ~]

نرجع لرسم الصورة .. أكيد تتساءلون .. وش بنسوي بالبلاستيك والمقص والتيب ؟ الإجابة معاي .. أول شي ناخذ مقاسات الصورة اللي بنرسمها ، أبعادها من الطول والعرض بعدها نقص البلاستيك على مقاس الصورة .. بعدين ناخذ البلاستيك والمسطرة والقلم الجاف : نقسم الورقة البلاستيك إلى خطوط البُعد بين الخط والثاني 1 سم أفقياً وبعدها عامودياً ، وراح يتكون مربعات الواحد منها أبعاده 1 سم [ طبعاً اخترنا القلم الجاف لأن أوضح من الرصاص ، وأضبط من السائل ، القلم السائل راح يطبع الورقه والصورة ويوسخ علينا شغلنا ] الآن بعد ما جهزت ورقة البلاستيك نلصقها بالتيب على الصورة ~ نجي لورقة الكانسون اللي راح نرسم عليها : أول شي ننظر له الصورة اللي بنرسمها .. هل راح نرسمها بنفس مقاسها اللي هي عليه ؟ ولا نبغى نكبرها ؟ إذا كان بنفس المقاس راح نقسم الورقة الكانسون إلى مربعات أبعاد الواحد 1 سم أما إن كنا راح نكبرها مرة وحده بس نقسم الورقة إلى مربعات 2 سم وإذا بنكبرها مرتين يكون التقسيم مربعات 3 سم وهكذا ... بالبداية مثل ما سوينا في البلاستيك نقسمها أفقي وبعدين نقسمها عامودي وبكذا تكون الصورة والورقة جاهزة

[زُوْوْد ~]

نجي نرسم الصورة كـ خطوط .. يعني نحاول نكرر كل خط في الصورة على الورقة بنفس المربع كيف ؟ أول شي مثلاً أحنا بنرسم العين .. نشوف كم ترتيب المربع اللي ع الصورة ترتيبه أفقياً وعامودياً .. نجي للمربعات في الورقة ونحسب ونطلع المربع المقابل له في الترتيب مثلاً : العين كانت في المربع 2 عامودي ، 5 أفقي .. على الصورة الأصلية نطلع المربع 2 عامودي ، 5 أفقي على ورقة الكانسون . ونرسم الخطوط على هالأساس .. الغرض من هذي الخطوة : هو ضبط الأبعاد عند المبتدئين . وهذي كانت النتيجة في البداية : 1 - 2 - 3- وهنا مسحنا خطوط المربعات بمساحة القلم الرصاص ، اخترناها لأن حجمها صغير وما راح تمسح كثير من خطوط الرسمة ، أهم شي نسمح المربعات طبعاً بتلاحظون أن ما في أي شبه نهائياً بين الصورة والرسمة وهذا شي طبيعي لأن الرسمة لحد الآن خطوط فقط بدون ملامح ..

[زُوْوْد ~]

راح أبدأ بالعين اليمنى ، واللي هي تكون على يسارنا .. ونكمل بنفس الطريقة .. نروح للعين اليسرى .. نبدأ بالحاجب انتهيت منه أنا بـ قلم F بعدين أكملت إلى أن وصلت إلى الدرجات هذي : 1- 2- 3- وبكذا انتهينا من العينين : ملاحظة : طبعاً من صورة إلى صورة راح يختلف الدرجة اللي المفروض نوقف عندها وهالشي انت تحدده خلال الرسم .. هل وصلت للدرجة المناسبة أم لا ؟

[زُوْوْد ~]

الفم والأسنان ، أول شي الأسنان لابد تكون أفتح ما يمكن .. يعني ما نظللهم ألا على خفيف في جوانب السن الواحد ، ويكون هذا بأفتح قلم هو 2H باقي الفم لونته تدريجياً من 2H إلى الدرجات التالية : نبدأ نغمق إلى أن نصل للدرجات : نظلل الشفايف بس نحاول تكون مسكتنا للقلم ناعمه وخفيفة عشين ينعكس هالشي على شكل الشفايف ويعطي انطباع بملمسها طبعاً بدأنا بـ 2H كالعادة وانتهينا بـ : وظللنا جوانب الفم [ المنطقة المحيطة بالفم والخد ] بتلاحظون أن أنا حاطه حرف X في بعض النقاط وأقصد بهالشي أن هالمنطقة ما ظللتها أبدن وخليتها بلون الورقة .. يعني منقطة مضيئة

[زُوْوْد ~]

الأنف : مثل ما سوينا بـ العين والفم ، نبدأ بـ 2H ونستمر بالتظليل إلى أن نصل إلى الدرجة المناسبة : أجزاء النور نخليها خفيفة التظليل وجزء منها يكون أبيض بدون تظليل وأجزاء الظل نغمقها تدريجياً ، كله يتم تظليله بالنظر إلى الصورة بيكون الشكل النهائي للأنف كذا :

[زُوْوْد ~]

الخدود والرقبة : أول شي ظللت الرقبة إلى أن وصلت لـ HB أما الخدود .. نبدأ كـ العادة بـ 2H نظلل جوانب الخد ونخلي الوسط أبيض .. ثم نبدأ نغمق بـ H و F لكن نخلي مساحة للدرجة اللي قبل يعني مو كل المساحة اللي ظللناها بـ 2H نغمقها بـ H ومو كل المساحة اللي غمقناها بـ H نغمقها بـ F والتظليل يتم بشكل دائري وبطيء يعني على روااااق .. كـ شكل نهائي للخد : الآن ندمج بين الرقبة والخد ، نبدأ بـ 2H ثم نغمق تدريجياً إلى أن نصل للدرجة اللي نحس فيها بأنها مقاربة للطبيعة : بعد الإنتهاء من الوجه والرقبة :

[زُوْوْد ~]

آخر شي وهو الشي اللي أتهرب منه دايم الشعر تظليل الشعر أكثر شي ياخذ وقت ويحتاج جهد .. لأن عشين نطلع بنتيجة حلوه وصحيحة لازم نرسم الشعر شعرة شعرة يعني كل شعرة لوحدها ، ... بدأت هنا بقلم F في المناطق الغامقة ، و 2H في المناطق الفاتحة طبعاً في الشعر لابد نبدأ من الجذور .. ونلاحظ أن عند الجذور يكون التظليل بشكل شوي عشوائي .. وبعدها نجي للوسط ونبدأ نرسم الشعر شعرة شعرة : نظلل المناطق الغامقة بالتفصيل غمقت تدريجياً في الشعرات الغامقة إلى أن وصلت هنا لـ HB بعدين أكمل الشعر الفاتح تدريجياً ، كل ما فتح اللون فتحت الدرجة إلى أن أصل للشعرات الشقرا حيل هذي أخليها بيضا .. وهذي النتيجة النهائية للشعر :