طريقة فلافل بيتي ولا أحلى ..

[* $ ريتــــــــــــال $ *]

طريقة فلافل بيتي ولا أحلى ..

فلافل ولا أحلى طريقة الفلافل طعمية فلافل بيتي فلافل بالصلصلة طريقة الفلافل ساندويتشات فلافل طريقة إعداد

الفلافل طريقة الفلافل البيتي



..][..


السلام عليكم ورحمة الله وبركاته


عندنا اليوم طيق الأغلبية يرغبونه وأولهم أنا ، من المدمنين عليه


*


*





المقادير

2 كوب من الحمص المنقوع .

1 بصله مقطعه .

شبت ، كزبره خضراء .( إذا لم يتوفر ممكن إستبدالهما بالناشف .)

ملعقة بيكنج بودر أو بيكربونات صوديوم .

ملح ، ملعقة صغيره من الكمون والبهارات .

زيت للقلي ، سمسم .


الصلصة :


( 4 ملاعق زبادي .. 2 ملعقة طحينة سائلة .. 1 ملعقة من عصير الليمون .. قليل من الملح ..)


الطريقة


** يغسل الحمص وينقع مدة ليلة كاملة ، بعدها يصفى من الماء جيداً ..

** يخلط الحمص مع البصل والشبت والكزبره ،

في مفرمة اللحم أو مفرمة الخضراوات . حتى يصبح شكلها ناعماً ومتجانس.

** تضاف البهارات والملح على الخليط السابق وتخلط جيداً مع السمسم ،

كما في هذا الشكل :





** يترك الخليط مدة نصف ساعة تقريباً حتى يساعد على مضاعفة حجمها ،


بعدها تكور بالحجم المطلوب كما في هذا الشكل :







** تقلى في زيت عميق ونقلبها بين فتره وأخرى حتى يصبح لونها بالشكل

المرغوب .كالأتي :





** تصفى من الزيت جيداً ..

لعمل الصلصة

** تخلط الطحينية مع الزبادي والليمون والملح جيداً وتقدم مع الفلافل .


** ممكن تقدم بهذه الأشكال :













طبعاً الفلافل مايحلى إلا مع كوب الشاهي





شوفو الشاهي على الطبيعه أحلى بس في الصور لازم يسوي له حركااات


حاولت أفتح الصوره عشان يوضح لكم وعلمكم أني سنعه في عمل الشاهي مو تقولون شاهينا أحلى آآ.


واللهم صلي على محمد وعلى آله وصحبه أجمعين .


إن شاء الله الطريقة والتقديم ينال إعجاااابكم

المصدر: منتديات طيف الاحساء - من قسم: المطبخ والمأكولات

---

'vdrm tghtg fdjd ,gh Hpgn >> hgtghtg K hg'uldi

[زُوْوْد ~]

عليييييييييك السلآم والرحمه


أويلي والله فلافل مااقدر

ابي ساندويشه عطيني


خخخ والله حتى انا من المدمنين جداً جداً عليه ^_^


امم بس بستفسر ما عرفت وش ذولا

شبت ، كزبره خضراء .( إذا لم يتوفر ممكن إستبدالهما بالناشف .)

اللي تحتهم خط ما عرفتهم : )

وطباخه ما شاء الله عليك

زمان عنك وعن طبخاتك ،،

تستاهلين أحلى تقييم ..

[* $ ريتــــــــــــال $ *]

زوود

أويلي والله فلافل مااقدر

ابي ساندويشه عطيني

خخخ والله حتى انا من المدمنين جداً جداً عليه ^_^

هههههههههههههههههههههههههه

أشوى مو بس أنا من المدمنين طلعتي مثلي

سكتي ماأقاومه وأفضله أكثر من الرز

ومدام أنك راده أول وحده خذي راحتك تستاهلين أكثر بعد .

شبت ، كزبره خضراء .( إذا لم يتوفر ممكن إستبدالهما بالناشف .)
اللي تحتهم خط ما عرفتهم : )

الشبت دقايق وأنا سادحه لك الصوره من حسن الحظ مازال عندي في الثلاجه الحين .

والناشف تلاقينه في السوبرماركت أي واحد منهم بنده ، المخازن مكتوب على الكيس سواء (الشبت أو الكزبره ).

وطباخه ما شاء الله عليك

زمان عنك وعن طبخاتك ،،

تستاهلين أحلى تقييم ..

يابعد قلبي والله دائماً صاحبة ذووق

مشكوره يالغلا على هالإطلالة المبهجة والتعليق الطيب

لاحرمنا من تواصلك العطر معنا .

لك تحيااتي ..

[ريحآنه]

يمييي يمييي
تسلم الاناامل يالغلاا
مقاديرك تختلف عني ..لاني اضيف بقدونس وبقل (كراث) مفررومه .. وبيضه
شكل وصفتك أسهل ومافيهــآ حوسه كثير ..
ان شاء الله اجربها قريب ~

طبعاً الفلافل مايحلى إلا مع كوب الشاهي

!!!!!!!!!!!!!!!!!!!!!!!
بصرآحه ,,انا اول مرهـ اشوف أحد يشرب معاها شآي !
العاده البيبسي وربعه (اي شي باارد )



تسلمي ياقلبوو

[جوهرة هجر]

وعليكم السلام والرحمة

ها نلحق ولا اكلته زوود كله ؟؟؟


ههههههههههههههههه


حرام عليكم تسوون لي كذا بقوم اصيح انا .....نفره مجنونة فلافل بالحمص وعندها انيميا فول

وش اسوي في عمري الحين ؟؟؟


مافي الا اشتري الليله من محل ابو سعيد لايعلى عليه ....ماتقول بتسوي كسوله


طريقتك وعملك ولا اروع من هيك حبابه

تخلي القلب والمعده والمصارين كلهم يقخو

تسلم الايادي

وهني وعافيه على قلبكم


دمتي بكل خير

[* $ ريتــــــــــــال $ *]

زوود تفضلي هذي صورة الشبت





تنظف وبؤخذ منها الجيد وتفرم

[جوهرة هجر]

بااك

مابي اعدل الي فوق مافيني شده خقيت ويا الفلافل ^^

معلومه خفيفه

المصريين مايسونه بالفحمص


يسوونه بالفوول(الباجلا بالحساوي)


ويطلع اطيب من الحمص بكثير


عذرا على المداخله


تحيااااااااااتي

[* $ ريتــــــــــــال $ *]

ريحانه

يمييي يمييي
تسلم الاناامل يالغلاا

هلا والله باللي مانشوفها وين هالغيبات

يسلمك ربي نورتي والله .

مقاديرك تختلف عني ..لاني اضيف بقدونس وبقل (كراث) مفررومه .. وبيضه

مقاديري ماخذتها من وحده لبنانيه ضقت طعمها ومت عليه ومنها وأنا أجرب هالطريقه ،

سهلها وماتاخذ وقت وبالنسبه للكراث والبقدونس مايمنع أضيفيه مع الخليط

بس البيض قد ماتقدرين إبتعدي عنه مو الكل يتقبل البيض ويسبب زفر للفلافل .

شكل وصفتك أسهل ومافيهــآ حوسه كثير ..
ان شاء الله اجربها قريب ~

طريقه ولا أسهل منها جربيها وبتشوفين إن شاء الله والطعم امممممممممممممممم موت

وممكن تضيفي شطه ومخلل مع الفلافل عند التقديم يعني على حسب الرغبة .

بصرآحه ,,انا اول مرهـ اشوف أحد يشرب معاها شآي !
العاده البيبسي وربعه (اي شي باارد )

هذي الله يسلمك معلومة طبية قالتها لنا إحدى الطبيبات

أن الفول والفلافل يشرب بعده الشاهي . لأن فيهما نسبه عاليه جداً من الحديد مما يشعر الشخص بالدوخه

وثقل في الجسم ويشعر بالنعاس ، لذا من الأفضل شرب الشاهي حتى يخفف من نسبة الحديد ويتوازن الجسم .

ومنها وحنا نطبق وفعلاً وجدنا كلامها صحيح .

مشكوره يالغلا على هالتواجد الكريم والتعليق العطر .

لاحرمنا منك ياارب .

لك تحيااتي ..

[* $ ريتــــــــــــال $ *]

جوهرة هجر

ها نلحق ولا اكلته زوود كله ؟؟؟


ههههههههههههههههه

هههههههههههههههههههههههههه

عيونا لك الخير واجد بس أنتي تدللي .

حرام عليكم تسوون لي كذا بقوم اصيح انا .....نفره مجنونة فلافل بالحمص وعندها انيميا فول

وش اسوي في عمري الحين ؟؟؟

هههههههههههههههههههههههه شفتي شلون

ولا شيء إلا أنك تاكلين وإتكلي على الله وماهنا إلا الخير إن شاء الله ..

مافي الا اشتري الليله من محل ابو سعيد لايعلى عليه ....ماتقول بتسوي كسوله

ماشاء الله عليك أنتي كسوووله ؟ أجل أحنا ويش نقول

ربي يعطيك الصحه والعافيه دووم .

بس تعالي وين أبو سعيد هذا ؟ وشمعنى من عنده ؟

لأن أحنا ماناخذ إلا من القطان .

طريقتك وعملك ولا اروع من هيك حبابه

تخلي القلب والمعده والمصارين كلهم يقخو

تسلم الايادي

وهني وعافيه على قلبكم


دمتي بكل خير

يسلمك ربي ويبقيك على هالإطراء الجميل .

لاحرمنا من إطلالتك الممتعة علينا وتعليقك العطر .

بااك

مابي اعدل الي فوق مافيني شده خقيت ويا الفلافل ^^

ههههههههههههههههههههههههه

أحلى باك يالغلا .

معلومه خفيفه

المصريين مايسونه بالفحمص


يسوونه بالفوول(الباجلا بالحساوي)


ويطلع اطيب من الحمص بكثير

هلا بك وبمعلومتك الطيبه وصحيح ممكن يتعمل بالفول

والبعض يعمله بالفول والحمص ممكن بعد .

بس يوم جربت بالحمص وذوقته العيله نفس الشيئ استانسوا على طعمه

وقالوا يلا أجل كل ليلة خميس نخمل هههههههههههههههه قلت لهم هين بس بشروا بالخير خبرك الطمع شين .

عذرا على المداخله


تحيااااااااااتي

بالعكس خذي راحتك مداخله ولا أحلى بنفس طعم الفلافل هههههههههههههههههه

لك تحيااتي ..

[مجنونـة القمر]

فلافل

سندوش فلافل

لفطة فلافل

فلافل

< أوت خخخخخخخخخخخخخخخخخ

أويلي جووووووووووويعه بقوه :(

عليييييج السسسلام والرحمُه

حزة غدا ولا تغديتُ :(

والصلصلة أنا أكثر ليمون ض1 , أحبها حويمضه خخخخخخخخخخخخخخخ

بس ملح مااحط صراحتُن !

وشسمه الطعمية ما أحبهآ صراحتن أحب الفلافل الأصلي طعمه ألذ

وحنا نسوي كمية كبيرة ونقسمه في كيس ونحطه بالفريزر وكل مره نطلعه بس يذوب ونقليه ُ

يديك الف عافية الغلا ومطرح مايسري يمريُ ,

عوافي عليكن

وتوحشنآ طبخاتك صراحتنُ ^.~