صور وفيديو انقلاب القطار الاحساء الرياض الدمام

صور القطار حادث القطار قطار الرياض قطار الاحساء قطار الدمام تصادم انقلاب القطار

سبب انحراف القطار صورة لقطات مشاهد فيديو يوتيوب مقطع تصوير

-----------






السلام عليكم ورحمة الله وبركاته



^_^



كيفكم جميعا ان شاء الله بخير



عذرا لغيابي



اكيد سمعتو وقال لكم الفارس الاحسائي عن الحادث

طبعا برويها لكم نص > تدرون انا اللحين شاهد عيان هههههه



نبدأ بأسم الله



12 ساعه من المعاناه لركاب قطار الرحلة رقم 6



الساعه 12 ظهر يوم الثلاثاء استأذنت من الدوام وقلت خلني الحق رحلت الساعه 12:50



قبل لا تمشي جيت طيران حجزت والحمد الله جلست في القاعه وانا اشوف الي بيرحون معنا سواء رجال او نساء ^_^ ولا حد يدري منهم وش راح يكون منتظرنا في الطريق



صليت في القطار وكالعاده ركبنا القطار قبل بربع ساعه واحنا جالسين جمبي هندي > مهندس يقول بيروح الدمام يختبر المهم ماعلينا مرت علينا العربه قاله اوقف ابي ماي اشرب

راعي العربه ماعبره وقال اول رحاب بعدين اجي لك المهم القطار كالعاده



شاب سعودي طموح > مشغل اللابتوب وتشوفه يلعب ترافيان ا بلياردو > خوش جيل مستقبل ويقولون ليه اليابان احسن منا مااقول الا حسبي الله ونعم الوكيل



هندي في انواع طبعا بس شدني مثل ها الي جالس جمبي شغل الابتوب وانا افتكره بيلعب مثلهم !! تفاجأت انه شغل برنامج يسأله سؤال في الرياضيات وهو يجاوب عجبني حييييييييل



انا بعد شغلت لا بتوبي وقمت اعمل في شياتحداكم تعرفونه



هذي صوره من الابتوب في وقت الحادث طبعا التقطتها بعدييين لان الكمبيوتر بقى شغال وقت الحادث







نكمل السالفه ^_^



وحنا جالسين كل واحد ولا بتوبه تقريبا تقريبا الساعه 2 الا ربع



ماشفنا الا ارتجاج قوي في العربه وقامت تتصاقع يمين يسار وتعبت المقطوره غباااااااار



قلت ياارب سترك تخيلو حظنت لابتوبي ههههههههههههههه



ماهي الا لحظات الا ووقف القطار الحاله مزريه كلنا تقوول مكبوب علينا طحيييييين

غباااااار والكل قام يكح



> عاد انا مرسم يعني لابسس ثوب حسبي الله عليه انا من البس ثوب انقرد هههههههه



ابي اغطي وجهي مو عارف



ومناك واحد يصرخ يقول فتحو البااااااااب والثاني يقول كسرو النوافذ



انا قمت اطالع من النافذه شفت العالم تهج وصاايرين احنا فوق مرتفع والقطار منقلب



دورت اغراضي واخذت لابتوبي الي مافارقني ورحنا وبالموت انفتح الباب



لان كل مقطوره لها بابين امامي وخلفي



فعقب مانقلب القطار قامت العربات ترقع في بعضها وبكذا الابواب بعضها اخترب او علق



المهم عشوق بطل ههههههه طلع مع الي طلعو



هذا مقطع فيديو صورته اول ماطلعت على طول



http://www.4shared.com/file/208605091/8ebe5e01/___.html



بعدها شفت العالم بصراحه شي يعور القلب



احنا الرجال عادي بس في حريم واطفال وشلون بتطلع من فتحت القطار وبتطب



في وحده مسويه عملية وووحده كبيره في السن هذول من الي شفت بصراحه بصراحه



دعيت لهم من كل قلبي ان الله يسهل عليهم في وقتها



بعدها نززلت من المرتفع لان كان الديزي يصب وقالو بعدو في احتمال ينفجر القطار



http://www.4shared.com/file/208605107/b7dd2a4a/__1.html



بعدها عودت وطلعت لفوق عشان ابي اروح للجها الثانية



http://www.4shared.com/file/208605102/c7b7dec5/__2.html



> قلنا القطار مو رجولي هههههههههههههههه



شوفو في هذا المقطع صورت كيف كنا نطلع من القطار

> هي رجال شلون الحريم والاطفال لا تعليق



http://www.4shared.com/file/208605099/8065d633/__3.html



نزلت للجها الثانية وكان كل الي في القطار شبه طلعو الا السواقيين

> هذا الي بجد كسر خاطري رحت جمبه يبي يطلع



تخيل فوقك كومت حديد وتحتك ديزل يعني وش اقولكم عذاااب



شوف هذا واحد من الطاقم جالس يطلب ماي لسواق







السواقين موجودين داخل في هالمقطوره



شوف هذا الفيديو بعد وهم يطلبون المساعده لهم ويحاولون يطلعونهم



http://www.4shared.com/file/20866774...___online.html



> بس قهرني واحد مسوي فيها 911 ماخذ له صيخ حديد وجالس يضرب في المقطوره



نقوله مايصلح لان الديزل في كل محل وماتدري يمكن يشب لانك تضرب حديد في حديد



وهو لا راكب راسه



يعني بالله عليك قطاااااااااااااار ذا مو سيكل بتضربه بحديده هذا ولا عشره شاحنات ترفعه بالساهل



المهم مانطولها عليكم



خبركم احنا في السعودية يعني الانقاذ متى يجيك ^_^

احنا صار لنا كل ذا الساعه 2 الا ربع ومابعدنا عن الرياض الا 80 او 70 كيلو



تقريبا اول طياره جات تقريبا الساعه 3 ونص





المهم طبعا في هالفترة الناس فكت شوي من الرووعه



الحريم فرشو لهم خيام وجلسو وقامت الضحكات تتعالى ههههههههه ومامهنتهم



الا وي عليا شفتي السواق يقولون للحين تحت الحديد تقول الثانيه ياعلي ماطلعوووه



هههههههههههههههههههه



وواحد ماقصر سطى على المطعم وطلع الماي والببسي وقامت العالم تشرب



شوي واشوف نفس الهندي المهندس وراعي العربه يعطيه ماي قلت في نفسي



الله اكبر > مساع يقولك تعال بشتري من عندك ووموراضي توقف واللحين تعطيه ببلاش



والشباب مامهنتهم الا كل واحد يدق على صاحبه حسبي الله عليك عينك هذي انقلب ابنا القطار



ههههههههههههههههههههه



ولا عاد الطاقم الي للقطار هذا الي ماحبيتهم طبعا مو كلهم



واحد جالس يعدل في شعره وواحد ماسك له زاوية وجالس يتتن



يا عيال اللذينا خويكم تحت الحديد بيموت وانتو



وفي شخصية من الركااب عجبني بالقووووووة ياليت تدعونله مثل ماانا دعيت له ان الله يسقيه من ماي الجنة



ماشاء الله عليه طول فترة الحادث تخيلو وهو ماوقف يركب القطار يروح للمطعم ويأخذ كرتون ماي ويجلس يدور على العالم ويسقيهم



كل مايمر من قبالي قلت له سقاك الله من ماي الجنة اسقيت عباده الله مابينساك



بصراحه عجبني عجبني وفي القطار في الرجعه كذالك بعد



> كأني اخذتني السوالف مده ههههه ^_^ بس لان الاحداث كثيره



اخليكم شوي مع بعض الصور الي التقطتها



طبعا كلكم تتسأؤلون وش قلب القطار انا اقولكم



ان الرمل غطى السكه فنحرف عن مساره







> لا حد يقعد يطلع اشاعات يقول بعير شاطف علينا ولا قطار صادمنا



هذي صور للقطار منوعه









































طبعا قبل لا تجي المساعدات توسدت انا الشبك وجلست وقمت اناظر في الي حولي



سميتها هلوسات عشوق في هالمقطع



http://www.4shared.com/file/20860509.../__online.html



عشنا لحظات مو شي بالقوة



تذكر ان الموت لاحقك لاحقك يابني ادم فأن ماصابك اليوم بيجي يومك



^_^



اذكروني بدعائكم عند رحيلي ويالله حسن الخاتمه



نرجع لموضوعنا





هذي صوره لديزل وهو يتسرب من القطار









وهذي يوم وصلت الطياره فيديو حسبي الله عليهم شحنونا رمل كفايه الي بلعناه في القطار هههههه



http://www.4shared.com/file/20860509.../__online.html



راحو المسعفين يركضون







والحمد الله طلعو وااحد









وهذي ياطويلين العمر جا واحد جلس جمبي مااعرفه بس دق التلطومه



وقلت له يـالبيه وحاضر وتحت امرك اصوره اصوره لان الموقع لتصوير اوكي ميه بالميه



كان اطقه بصوره سميتها لمسه احترافيه









وبعدها كما تعودنا في طيف لابد نحفظ الحقوق قبل لا ننهي اي درس ^_^

















واخيرا بعد معانا في البر مع البرد والغباااااااااااار جا لنا المنقذ القطار من جهة الرياض







وركبنا فيه



وبالموت على ماركبنا وكذا الكل انهد حيله من البرد والتعب



والكبيرات في السن الله يحفظهم من جد تبهدلو



بس وش نقول مانقول الا ربهم ارحم منا عليهم وهو اعلم بحالهم



الكل فرح يوم جا القطار تقريبا واحنا راكبين اذن المغرب عاد كم الساعه ماادري



لان كان جوالي طافي واظن انها خمس ونص او ست



مشينا شوي بالقطار وتقريبا كانت 7 او 10 سيارات اسعاف بنتظارنا في نصف الطريق



واخذو المصابين الي مايقدرون يتابعون الي هم الكبار في السن



وقام الناس يطالبون بالفلوس هههههههههههه



قلت في قلبي حسبي الله عليكم من شوي تقولون اهم شي سلامتنا واللحين كل واحد يقول يبي تعويض ولا مايمشي



وش هالتعويض عاد 50 ريااااااااااال هههههههههههههههههههههههه





ماقول الا العالم في المصايب تعرف ربها بس في وقت الرخا تنسى ههههههه



ومشينا > بختصر تعبت هههههههههه



وكان في استقبالنا عدد لا بأس به من الشرطه وسيارات الاسعاف وعمال القطار وكل واحد يقول اخذو ماي اخذو عصير وانا اقول في قلبي الله ذاك مساعه يبي يشتري ولا عطيتوه واللحين هاكم اخذو ماي



^_^





المهم قال لنا المسؤول الي يبي يسترجع فلوسه يأخذهم والي يبي يواصل بتجي باصات النقل الجماعي تنقلكم



طبعا انا ماكان احد في انتظاري الا معانق طيفها قالي تولي فلوسهم تعاال بس اليوم نحس خلنا نروح نصلي ونتعشى ويصير خير



كنت متردد قلت له لا بروح معهم مع الباصات قال لا امش بس يولون



المهم قلت له يلا مشينا اجل ورحنا الشقه وصليت وخليت جوالي يشحن خخخخخخخخخخخ



وبدلت وطلعنا وراح يقضي كم شغله قلت له رووح خلنا نطل عليهم قال مشو



قلت له ماعليه



طبعا يوم وصلنا القطار تقريبا 7 الا ربع ويوم ارجع القطار انا الساعه 8 وشفتهم بعدهم مامشو



قلت لمعانق اصفط ^_^ وركبت معهم على اخر رمق وركبت الباص



وحسبي الله على واحد تعرفت عله في القطار وقت الحادث من اروح محل اشوفه قبالي وكأن القدر يجمعنا



احلى تحيه له ^_^



ومشينا وجلست اسولف مع السواق ولا وصلنا الاحسا الا الساعه 1 بالليل



مشيت البيت وكان الارق يذبحني وماقدرت انا م الا بعد الفجر





والسلام ختام بس تعبت عاد



^_^



اخوكم ومحبكم عشوق



ملاحظه



كل مافي هذا الموضوع من تصويري وعملي اي واحد بيلطش يلطش بس لا ينسب شي لنفسه



احلى تحيـه

اول شئ
الف سلامه عليك والحمدلله ع سلامتك عشوووق

لووووول اوما قصتكم قصه
وربي رهيب في سرد القصه كعادتك خيوو

انا بعد شغلت لا بتوبي وقمت اعمل في شياتحداكم تعرفونه

حاولت اعرف بس فلت التجربه ههههه
يجي الفارس ويفضحك خخخخخخخخخ

الحريم فرشو لهم خيام وجلسو وقامت الضحكات تتعالى ههههههههه ومامهنتهم



الا وي عليا شفتي السواق يقولون للحين تحت الحديد تقول الثانيه ياعلي ماطلعوووه

الله يرجك ع سوالفهم يمه منك شكلك مركب الرادار

سميتها هلوسات عشوق في هالمقطع

ماقدر انا عالهلوسات هع هع

كان اطقه بصوره سميتها لمسه احترافيه

شئ صرااحه

تسلم يمينك ع هيك تقرير ولك مني الحى تقييم بمناسبة عودتك ياتفخ مره ثانيه لاتغيب علينا كل هالفتره

تقبل تحياتي

الحمد الله ع سلامتك يا غالي

وخطاك السوء ~ وعذرنا ع الفضحيه ههههههههههههههههههههههههههههههه


بس علشان نكمل لحيتنا ع قولتهم

انا بعد شغلت لا بتوبي وقمت اعمل في شياتحداكم تعرفونه

حاولت اعرف بس فلت التجربه ههههه
يجي الفارس ويفضحك خخخخخخخخخ

عشوق جالس يشتغل على مركز التحميل ببرنامج الي بعد اصدار فرونت بيج " ناسي أسمه "

<--- بذمتك موب فضيحه ههههههههههههههههـــــــــــــــــــ ــ ـ ــ ـ ـ ـ ـ


فديتك ,, ع أجر ياغالي .... تتعب ولا تحصل كلمة شكر " قله من هم أمثلك "


---------------------------------------------------




الحمد الله ع سلامتك

ورجعتك لغاليك ,, وبين أحبابك



~ وعذرنا مره أخرى ع الفضيحه ^_^


دمت غاليا في قلوبنا

أخوك

هلا بك خيوو الفارس
يسلموووووووووو ع هيك فضيحه
ماتقصر عشوق خلاص عرفت هع هع

.... تتعب ولا تحصل كلمة شكر

وش دعوى !!!!!!!!!!!!!!

الله يسامحك الفارس
عالعمووم الله يعطيك العافيه عشووق
وثانكس اقين الفارس الاحسائيلاحرمنا من فزعاتك هههه

الله..!..|..هـ القطار سوى خير خلاك تدخل المنتدى..خخخ

اول شي الحمدلله ع سلامتكم..وماتشوفون شر ان شاء الله..

والله حفظكم ونجاكم..

وانا شفت صور القطار متقلب في {جريدة الحياه}..والناس هاجه..جلست ادوور ووين عشووق..خخخ

وبعدين يووم جابوو الهيلكوبتر..جان انسدحت اسم انك تعوورت..خليتهم يشيلونك فيها ع السريع..خخخ

واخيراً الحمد لله ع سلامتك..وسلامة اللي معك..

وماتقصر ع نقل الخبر بالفيديو والصور..تصلح تكوون صحفي..^_*..

برررب..

الحمد لله على السلاااامة أخوي عشووق

وربي يحفظك دوووم إن شاء الله ويبعد عنك وعن الجميع كل مكروه وسوء ..

وماشاء الله عليك ماقصرت تغطية شاملة ومتكاملة للحدث ،

كالعادة تجعل الشخص يتعايش مع الموقف من خلال الوصف الدقيق ،

ربك ستر وحفظكم فالله خير حافظ وهو أرحم الراحمين ..

سلمت يداك على هيك عرض والحمد لله على رجعتك لنا بالسلامة نورتنا أخوي .

تستاهل أحلى تقييم .

لاحرمنا من تنويرك لنا في المنتدى وتواجدك الدائم مع أخوتك ..

لك تحيااتي ..

تخيلو حظنت لابتوبي ههههههههههههههه


ههههههههههههههه الله يقطع بليسك..ضحكتني..

والحمد لله على السلامه ..

وحفظ الحقوق تجنن..

هههههههههههههه

تحياتي لك بود..

عليك السلام والرحمهُ ,

اللهم صل على محمد وآل محمدُ ,

طلعت من الشرُ , صراحتُن اللي يكون في الوضع غير اللي يكون مشاهدُ فقط ُ ,!

يعني يتهيآ لي الوضع موب هينُ , يعني الحمد لله عدّت على هالشكلُ ,

وماشاء الله التغطيه حلوه وواضحهُ ومغطيه جميع الجوآنب , يديك الف عافية ورحم الله والديك ,

وحتى الفيديوُ واضح كثيرنُ [ ياشين التقليد واللي سجلوآ في موقعُ ]

/

شسمهُ على سبب الانحرافٌ صراحتن مستغربهُ ,

لان قعدت افكر فيها اوك رمال على السكه بس القطار يمشي بقوه تهيأ لهواء يكون يطيره

< طسي مع نظريتك :$



نآيس لقطهُ ,

نحتري نشوف وش تسوي الحكومه لها الشيء علشان تتفادى ان الحادث مايتكرر مره ثانية ,

وعساك ع القوة

سلامات

الحمد لله على سلامتك خيوو

وسلامة الركاب واهم شي الهندي الي جنبك

> مسكين اجل يطلب ماي ومايعطوه ويوم صار الحادث

عطووه هع

اخر السوء ان شاء الله

وعليكم السلام والرحمة

الف حمد لله على السلامة

وخطاك السو


ماشاء الله طيف محظوظ عنده مجموعةاعضاء صحفيين لو يتحدون يسوون لنا جريدة

^_^

قلت ياارب سترك تخيلو حظنت لابتوبي

اممممممممم اتخيل شعورك وقتها اكيد لايوصف كان الله في عونكم

ان الرمل غطى السكه فنحرف عن مساره

من زوود سناعة التخطيط على قولة مهندس في ارامكو


يعرفون طبيعة الاراضي الي بيسون فيها السكه وماماخذين اي احتياط حق هالنقطة (زحف الرمال)

واحد جالس يعدل في شعره

تلاقيه متوقع يجي واحد صحفي مثلك يعني يطقه كم صورة ولا تبي يصورنه وهو كشته معفوره هههههههههه

الناس في الناس والقرعه تفلي الراس ^^

وواحد ماسك له زاوية وجالس يتتن

اييييييييييييه دخن اذا همك تشيله سجارة

بس قهرني واحد مسوي فيها 911 ماخذ له صيخ حديد وجالس يضرب في المقطوره

يمكن يفكر يكسر المقطورة ويطلع الي فيها هههههههه

لايكون ماهوب صاحي

والحمد الله طلعو وااحد

اسمع الاخبار تتداول ان السواق مات ؟!؟!؟!

واخيرا بعد معانا في البر مع البرد والغباااااااااااار جا لنا المنقذ القطار من جهة الرياض

زين جى الفرج

مشيت البيت وكان الارق يذبحني وماقدرت انا م الا بعد الفجر

انا لو اشوف الموقف مو اطيح فيه اسبوع اسبوعين مانام مو هينه

اذكروني بدعائكم عند رحيلي ويالله حسن الخاتمه

ربي يحفظك من كل شر ويطول بعمرك ويهنيك بشبابك وصحتك

((دقائق مرت وحفرت لها اعمق الاثار في طيات الذاكرة))


يعافيكي ربي على هيك تقرير كافي ووافي


دمت بحفظ الله